ஐந்திலக்க சம்பளம்
ஆண்டுக்கு இரு முறை போனஸ்
மேலாளர் பதவி
இன்னும் சில சலுகைகள்
இருந்தாலும்,
இவையாவும் ஈடாவதில்லை
என்னை வழியனுப்புகையில்
உன் கண்களில் வழியும் சோகத்திற்கு...

Because I showed often
My Love lost its value
Because I cried often
My tears lost their value
Because I wrote often
My words lost their value
Now, because it hurts often
My pain lost its value
Thus I have lost often
But, the loss still has not lost its value.

அலுவலகம் போகும்
காலை அவசரத்தை
புரிய வைக்க முடிவதில்லை
அப்பொழுது தான்
முலைமயங்கி கிடக்கும் என்
ஆறு மாத பிள்ளைக்கு

பூர்வ ஜென்மத்தில்
கொடும்பாவம் செய்தோரும்
தவ யோகியின் கோவத்தால்
கடுஞ்சாபம் பெற்றோரும்
இந்த ஜென்மத்தில் பிறப்பர்...
வேலைக்கு போகும் தாயாக.

இரவிடம் வேண்டுதல்

இளமை வேண்டுவது
நல்ல கனவு
முதுமை வேண்டுவது
நாலு மணி நேர உறக்கம்.

தங்க மகன்

ஆசை மகன் அவனோடு
அயல்நாடு செல்ல
அனுமதி இல்லை,
அரசாங்கம் அறிவித்தது.
ஐந்து கிலோ வரையில்
தான் தங்கம்
எடுத்து செல்லலாமாம்...
அவன், ஆறு கிலோ. :-)

மகனே...

அந்நாளில்...
வயிற்றில் இருக்கும் போது உதைத்தாய்
வலிக்கவில்லை, பூரித்தேன்...

பின்னாளில்...
விளையாட்டில் பிஞ்சு பாதங்களால் உதைத்தாய்
வலிக்கவில்லை, சேர்ந்து சிரித்தேன்...

இந்நாளில்...
வயதாகி விட்டதால் வேண்டாமென உதைக்கிறாய்
ஏனோ தெரியவில்லை... வலிக்கின்றது.

ஆனையும் குதிரையுமாகி
சவாரிக்கு காத்து இருக்கின்றன
மாமனின் முதுகும்
தாத்தனின் தோள்களும்...
பால்குடி மடியை விட்டு
இறங்கத்தான் ,
இன்னும் மனமில்லை
எங்கள் ராஜகுமாரானுக்கு

மூன்று மாதங்கள் :-)

பணக்கார பிச்சை

ஆயிரங்களை அள்ளி குவிக்கும்
அவசரத்தில் அப்பா அம்மா
அலுவலகம் சென்றபின்னர்...
ஆயாவிடம் பிச்சை எடுக்கிறது பிள்ளை
அன்பிற்காக...

வேண்டுமே

இன்னும் இரு கண்கள் வேண்டும்
இருக்கும் கண்கள் இமைக்கும் போதும்
உன்னை காண...
இன்னும் இரு கண்கள் வேண்டும் எனக்கு

இனிக்கிறதே!

என் பெயரில்
இத்தனை இனிமையா!!
வியக்கிறேன்...
ஒவ்வொருமுறையும்
உன் உதடுகள்
உச்சரிக்கும்போது..