சுறுசுறுப்பின் சாட்சி

ஒட்டடை குச்சியில்
வலை பின்னி முடித்தது
சிலந்தி!

வேலைக்கு போன தாய்

இரு வினாடிக்கும்
இடையே இருக்கும்
அந்த சிறு மணி துளியும்
அவளுக்கு அவன் நினைவு...

பால் மறக்கா செல்வத்தை
ஆயாவிடம் விட்டு விட்டு
பணம் சம்பாதிக்க
அலுவலகத்தில் அம்மா.

அட...

மழையில் நனைந்து
வெயிலில் உலர்கிறது
வானவில்!!

என்ன செய்ய?

கனவிலாவது கலந்து
இருக்கலாமேனில்...
உறக்கமும் ஒத்துழைக்க
மறுக்கிறதே!

பார்வை

கொட்டிய காப்பியும்
கோலமாய் தெரிந்தது
தட்டி விட்டது...
நடை பழகும் மகள்!!

:-)

I am in zero but not in a hundred
I am in dough but not in the baker’s bread
I am in you but not in me
I am not in blue as you can see
I am in moon but not in night
I am now in hideout… find me if you might

I am the alphabet O :-)

ஒரு அறை வீடு ஆனது

காலை கடந்தும் சுருட்டாத பாய் - அதன்
காலடியில், கலைந்த
கோலத்தில், நேற்றிரவு
குளிர் காத்த கம்பிளி

மூன்று வாரமாய்
துடைப்பம் மறந்த தரை
முந்தா நாள் சாப்பிட்ட
மிச்சதுடன் எச்சில் தட்டு

துவைத்த வெள்ளை சட்டையும்
களைந்த கருப்பு சட்டையும்
ஒன்றாய் ஒற்றுமையாய்
கொடி ஓரத்தில் கசங்கியபடி...

பிரம்மச்சாரி அறையின்
அடையாளங்கள்...
அறையுடன் அனைத்தும்
காணமல் போனது

என் கை தாலிக்குரியவள்
எனக்குரியவள் ஆனபின்
என் மெட்டிக்குரியவள்
வீடு வந்தபின்...