Theory of Relativity

காதலித்து காத்திருந்தால்
என்றோ கண்டுபிடித்ததை
ஐன்ஸ்டீன் மிக
எளிதாக கண்டுபிடித்திருப்பாரோ?

கொடிது! கொடிது!!
இறங்கும் நம்பிக்கை...
இழக்கும் மன உறுதி...
இறப்பை விட கொடிது!!

நகரத்தில் நான்...

வாடிய பூக்களில்
வாசம் தேடும்
வண்ணத்துபூச்சி!

இன்று நன்னாள்

நிலம் பார்த்தே தினம்
கடந்து செல்லும் நீ
நிமிர்ந்து என்னை பார்த்து
நடந்து சென்றாய் - இன்று
நிறைந்த நன்னாள்!!

:-(

மொழியின் சதியால்
மௌனமே என் மொழியானதோ?

வேண்டும்

குற்றமில்லாத பூமி வேண்டும்
சத்தமில்லாத சாலை வேண்டும்
நேர்மையான அரசியல் வேண்டும்
தூய்மையான காற்று வேண்டும்
வழுவாத ஒழுக்கம் வேண்டும்
நழுவாத வீரம் வேண்டும்
உண்மையான நண்பன் வேண்டும்
உலகத்துள் அமைதி வேண்டும்
வலுவான தேகம் வேண்டும்
வளமான வயல்கள் வேண்டும்
அச்சமில்லாத சுதந்திரம் வேண்டும்
அயர்வில்லாத உழைப்பு வேண்டும்
உள்ளத்தில் உண்மை வேண்டும்
உறவாட அன்னை வேண்டும்
குறையாத மகிழ்ச்சி வேண்டும்
குன்றாத நன்மைகள் வேண்டும்
இறவாத பக்தி வேண்டும்
இரக்கமுள்ள நெஞ்சம் வேண்டும்
அழியாத பெருமை வேண்டும்
அனைவருக்கும் இன்பம் வேண்டும்
எனக்கு இன்னொன்றும் வேண்டும் - அது
இக்கவிதை அச்சாக வேண்டும்

This is also written long back, during my school days for my school magazine. As i was dusting my book shelf i chanced upon the old magazines and it took me to the precious past... certainly one's school life is the best part of his life.

என்னால் மட்டும் இயன்றால்

உன் பூ இதழ்களில்
புன்னகையாய் பிறந்து
ஒளிர்ந்திட மாட்டேனா...
நீ கண்மூடி உறங்கையிலே
உன் கனவாய் வந்து
தாலாட்டிட மாட்டேனா...
சுவாச காற்றாக மாறி
உள்ளே சென்று உன் உயிர்
தொட்டிட மாட்டேனா...
விட்டு தூரம் போனாலும்
உன் உடன் வரும் நினைவுகளிலாவது
நான் வாழ்ந்திட மாட்டேனா...