உன்னை பிடிக்கிறது

மூன்றாம் பிறைக்கு
முதல் நாள் வரும் வெள்ளி நிலவு
முழுக்க மூடாத
மேகத்தின் வழி கசியும் கதிரொளி
மகன் உறங்க
அறுப்புக்கு நடுவே தாய் பாடும் தாலாட்டு
மூழ்க விடாத
சித்திரை மாத சிற்றாற்று குளியல்
மறுபடி மறுபடி
ரசித்தாலும் சலிக்காத மழலை சிரிப்பு
மணிகணக்கில்லாமல் கொட்டும்
ஜன்னலோர கார்த்திகை மழை
உனக்கு பிடித்தவை எல்லாம்...
எனக்கு பிடிக்கிறது
உன்னை பிடித்ததனால்...